Klasoj

La klaso estas la plej grava karakterizaĵo de rolulo. Ĝi estas la fonto de la plejparto de liaj talentoj kaj eblecoj, kiuj donas al li specialan kaj gravan rolon en la grupo de aventuristoj. La sekvantaj 11 klasoj estas la bazklasoj de la ludo:

Arbarano: Kiel spurlegisto kaj ĉasisto, la arbarano estas sovaĝulo kiu havas sperton por trovi siajn ĝismortajn malamikojn.
Barbaro: La barbaro estas brutala berserko kies deveno estas for de ĉiu civilizo.
Bardo: La bardo uzas siajn kapablecojn kaj sorĉojn por subteni siajn amikojn, por konfuzi siajn malamikojn kaj por pliigi sian famon.
Batalisto: Kuraĝe kaj brave la batalisto majstras armilojn kaj armaĵojn.
Druido: La druido estas adoranto de ĉiuj naturaĵoj - li scipovas sorĉi, li estas amiko de bestoj kaj sperta figurŝanĝanto.
Fripono: La fripono estas ŝtelisto kaj spiono, li estas oportunisto kiu kapablas grave vundi neatentemajn kontraŭulojn.
Kleriko: Kiel kredanta sekvanto de unu dio, la kleriko scipovas sanigi vundojn, revivigi mortintojn kaj voki la koleron de la dioj.
Magiisto: La magiisto estas majstro de magio per daŭra studado kio donas al li nekredeblan magian potencon.
Monaĥo: Kiel lernanto de luktarto, la monaĥo trejnadas sian korpon por ke ĝi estu sia armilo kaj armaĵo.
Paladino: La paladino estas kavaliro en brila armaĵo, li estas kredanta sekvanto de la ordo kaj la bono.
Sorĉisto: La sorĉisto estas denaska konanto de magio, li havas strangajn kaj timigajn fortojn.

La klasojn havas la sekvantajn mallongigojn: arbarano ARB, barbaro BBR, bardo BRD, batalisto BAT, druido DRU, fripono FRI, kleriko KLE, magiisto MAG, monaĥo MON, paladino PAL, sorĉisto SOR.

Rolulevoluigo

Dum la rolulo superas defiojn, li ricevas spertpoentojn. Ju pli da spertpoentoj kiujn li gajnas des pli da niveloj li altiĝas kaj fariĝas pli potenca. La rapideco de la altiĝo dependas de la ludmaniero de via grupo. Kelkaj preferas rapide altiĝi tiel kiel la roluloj altiĝas post kelkaj ludseancoj. Aliaj ŝatas malrapidan evoluigon de la rolulo. Finfine dependas de via grupo kiu rapideco taŭgas por vi.

Rolulsperto kaj niveldependaj avantaĝoj
Rolulnivelo	Malrapida	Mezrapida	Rapida	Talento	Atributpoento
1a	-	-	-	1a	-
2a	3 000	2 000	1 300	-	-
3a	7 500	5 000	3 300	2a	-
4a	14 000	9 000	6 000	-	1a
5a	23 000	15 000	10 000	3a	-
6a	35 000	23 000	15 000	-	-
7a	53 000	35 000	23 000	4a	-
8a	77 000	51 000	34 000	-	2a
9a	115 000	75 000	50 000	5a	-
10a	160 000	105 000	71 000	-	-
11a	235 000	155 000	105 000	6a	-
12a	330 000	220 000	145 000	-	3a
13a	475 000	315 000	210 000	7a	-
14a	665 000	445 000	295 000	-	-
15a	955 000	635 000	425 000	8a	-
16a	1 350 000	890 000	600 000	-	4a
17a	1 900 000	1 300 000	850 000	9a	-
18a	2 700 000	1 800 000	1 200 000	-	-
19a	3 850 000	2 550 000	1 700 000	10a	-
20a	5 350 000	3 600 000	2 400 000	-	5a

Altiĝo de rolulo

Roluloj altiĝas en niveloj kiam ili kolektis sufiĉe da spertpoentoj - kutime tio okazas dum la fino de ludseanco kiam la ludgvidanto disdonas spertpoentojn. Kiam la rolulo altiĝas dum la ludo, li fariĝas vere potenca en la ludo. Li povas gvidi naciojn aŭ superfortigi ilin.

La nivelaltiĝo funkcias simile kiel la kreado de la rolulo, nur la atribuoj, la popolo kaj pasintaj elektebloj rilate al klasoj, kapablecoj kaj talentoj ne povas esti ŝanĝitaj. La altiĝo de nivelo kutime donas al la rolulo novajn eblecojn, pliajn kapablecrangojn, pliajn vivpoentojn kaj eble altiĝon de atributvaloro aŭ talenton (vidu tabelon: rolulsperto kaj niveldependaj avantaĝoj).

Por la altiĝo en klasnivelo aŭ en nova nivelo en nova klaso (vidu klaskombinaĵojn malsupre), oni devus atenti la postan sinsekvon. Unue vi elektas por la nova nivelo la klason por la altiĝo. Vi devas plenumi ĉiujn kondiĉojn por tiu nivelo antaŭ fari la postajn paŝojn. Due oni faras eblan altiĝon de atributvaloro. Trie ĉiuj klaseblecoj por tiu nivelo estas skribataj en la rolulformularo kaj la novaj vivpoentoj estas ĵetataj. Poste novaj kapablecoj kaj talentoj estas elektataj. Por pliaj informoj kiam atributoj altiĝas kaj talentoj aldoniĝas vidu la tabelon: rolulsperto kaj niveldependaj avantaĝoj.

Klaskombinaĵoj

Anstataŭ akiri eblecojn de la venonta nivelo en la aktuala klaso de la rolulo, oni povas decidi akiri la eblecojn de la unua nivelo de nova klaso kaj aldoni ilin al siaj nunaj eblecoj. Tio nomiĝas klaskombinaĵo por la rolulo.

Ni supozu ekzemple ke batalisto de la kvina nivelo decidas akiri arkanajn spertojn kaj je la altiĝo al la sesa nivelo elektas unu nivelon kiel magiisto. Tiu rolulo havas la eblecojn kaj karakterizaĵojn de batalisto de la kvina nivelo kaj de magiisto de la unua nivelo, tamen la rolulo estas de la sesa nivelo (liaj klasniveloj estas 5 kaj 1, sed lia tuta nivelo estas 6). Li daŭre gardas ĉiujn kromajn talentojn kiujn batalisto de la kvina nivelo havas kaj nun ankaŭ povas efektivigi sorĉojn de la unua grado kaj elekti arkanan skolon. Li aldonas ĉiujn siajn vivpoentojn, bazatakajn bonojn kaj bonojn por savĵetoj de magiisto de la unua nivelo al la valoroj kiujn li akiris de la kvin niveloj de batalisto.

Atentu ke estas multaj efikoj kaj kondiĉoj kiuj dependas de la nivelo de la rolulo aŭ de liaj vivkubetoj. Tiuj efikoj ĉiam rilatas al la tuta nivelo aŭ liaj vivkubetoj kiujn havas la rolulo. Esceptoj estas la karakterizaĵoj de la klaso kiuj plejparte dependas de la klasniveloj de la rolulo.

Preferata klaso

Ĉiu rolulo komencas la ludon kun preferata klaso laŭ sia elekto. Kutime tio estas klaso de la unua nivelo. Ĉiam kiam la rolulo altiĝas en sia preferata klaso li ricevas aŭ +1 vivpoenton aŭ +1 kapablecorangon. La elekto de preferata klaso ne plu povas esti ŝanĝita post la kreado de la rolulo. Same la elekto de aldona vivpoento aŭ kapablecorango dum altiĝo (ankaŭ de la 1a nivelo) ne povas esti ŝanĝota poste. Prestiĝklasoj neniam povas esti preferataj klasoj (vidu Prestiĝklasoj).

Libera-ludo-permisilo - Direktivo de komuna uzo

5FutPaŝo